Mohlwaela wa papatšo wa baleminyana*
TSHEPETŠO YA GO REKIŠA DIRUIWA
Kgoro ya Temo
Dikgato tša go rekiša diruiwa tša gago
Tšea sephetho sa gore ke diphoofolo dife tše o tlogo di rekiša le gona ka lebaka la eng.
Dintlha tše di swanetšego go hlokomelwa:
Boleng le tlhopho
Dipharologantšho tša tlhopho di laetšwa go ya ka bogolo, go nona, sebopego, tshenyo le bong. Mmaditsela wa papatšo a ka go thuša go hlopha diphoofolo.
Bokaakang
Balemi ba swanetše go hlama ditlamo goba dihlopha tša phahlo go oketša palo ya dithoto le go fokotša ditshenyegelo tša thwalo.
Boima
O tla swanela ke go hwetša boima bja phoofolo pele ga fantisi.
Kgato ya 2 : Rulaganya fantisi
Kgokagana le mmaditsela wa papatšo gomme o botšiše ka ga ditheko le diemo tša mebaraka.
Efa tshedimošo ye maleba ka ga boleng le tlhopho, seemo sa go duša, boima, gomme se bohlokwahlokwa, theko ya peeletšo ya diruiwa tša gago.
Dira peeletšo ya thekišo ya diruiwa tša gago mo tšatšikgweding le le beilwego.
Kgonthiša gore diruiwa tša gago di na le maswao a semolao a boitšhupo.
Hwetša setifikeiti sa go tloša diruiwa go Yuniti ya Bohodu bja Leruo. Ka ntle le tokumente yekhwi o ka no otlwa goba diphoofolo tša gago tša thopša.
Kgato ya 3: Lefelong la Fantisi
Tlatša foromo ya kamogelo ya Rasiti ye e nago le leina, aterese le nomoro ya ID le dintlha ka botlalo tša boitšhupo bja diruiwa tša gago.
Ela hloko gore diruiwa tša gago e sa le tša gago gomme ke boikarabelo bja gago.
Fantisi e phethilwe ge o re " rekišitšwe".
Kgato ya 4: Morago ga Fantisi
Feleletša kgwebišano.
Hlama pego ya tokollo gomme o kgonthiše gore dintlha ka moka di nepagetše. Kgetho ye kaone ke ya gore tšhelete ya gago e tsentšhwe ka go akhaonto ya gago ya panka.
Moreki o nyaka tokumente ya tumelelo yeo e hwetšagalago go Yuniti ya Bohodu bja Leruo go rwala diruiwa.
Ke kgopolo ye botse ka mehla go tsenela fantisi pele ga ge o romela diruiwa tša gago la mathomo. Goba o sepele le yo mongwe yo a kilego a dira bjalo.
Laetša boima bjo bo nepagetšego bja phoofolo pele ga fantisi.
Madulo a boitšhupo bja semolao. Mophatšo o dirilwe tsebeng ya nngele goba ya mmagoja. Go fiša go dirwa leotong la morago goba legetleng
Go fiša
REKIŠITŠWE.
